شبيك يا وكت...هدير الجواهري أم تقي

شبيك يا وكت وياي...

واستكثرت عليه الحچايه...

شنو تريد اسويلك وتعوفني...

اوديلك زلم لو تريد مشايه...

ليش بعدت عني محبوبي...

ليش تگطع عني بحوره ومايه...

مد وجزر گضيتها آني وياك...

وتگولي بعدنا بأول سبايه...

سابيني وما تريدني ارتاح...

بس كولي شعندك انت ويايه...

من أول العمر وانت عداوة وياي...

ما رايده الدنيا ومنها متبرايه...

أريد أنسى المر اللي شفته بدنياي...

أريد أنسى العمر والراح هوايه...

گلت يمكن شوية ارتاح باللي بقه...

تحفرين الألم بگليبي بلايا محايه...

كل يوم قصة جديدة وألم واحزان... 

ليش هيچ سابيتني هاي السبايه...

وهسة حتى محبوبي گطعتي اخباره...

ما تگولين شرايده يا دنيايه...

ما طلبت ذهب وفلوس فد يوم...

طلبت گلب حنين وبحنيته مترهايه...

وبهاي تگولين هواي وتنطين...

بلا حساب للخسيس بلا درايه...

شويه انصفي وياي وتهدي... 

خليني اهودر يم ضعنهم جنايه...

أريد اجني هواهم باقي عمري...

يبس عودي وشبابي بلا عنايه...

وبعد ما لگيته تبعدي عني ليش...

خلي يمي عزوة الي ومرسايه...

ما تعرفين هو شنو بحياتي...

هو نور عيوني وهو ضوايه...

..........................................هدير