خلاص اعشقيه .. !!.الشاعر/ نبيل مصيلحى

براءه يا كل الدموع ..

الحزينه في قلبي ..

خلاص 

كفايه انصهار 

وآهه ومرار

وقرصة وجع

كفايه تنزي آلامك ..

في قلبي

تغرقني فيَّا ..

تلوِّن عيوني 

بغربه ووحده ..

وسكة سفر

عرفتي ان قلبي ..

فاتح لك بيبانه ..

بتتعززي ..

وتدي له ضهرك 

تروحي لشمسه ..

بتسرق شروقها ..

من الاحتضار 

وانا الشمس .. عمري 

ما بعت النهار 

ولا كنت غاوي 

أبيع الليالي ..

في سكة بعاد 

بلاش من وجودك

في قلبي ما دمتي 

سكنتي البوار 

ـــ

2016/5/17