صوچي ...هدير الجواهري أم تقي

صوچي آني وما ألومك أبد...

لأن المشاعر والصدق ذنب...

هو هيچ بيومنا ومحد يصدگ... 

المشاعر صارت تنشره بذهب...

ومن واحد يصدق وياك بلا ثمن...

يحسبوه رخيص ويبيعوه بأول درب...

ما چنت أصدگ من يگولون لا تظهر...

اللي بگلبك والمشاعر هي السبب...

عن كل ألم بالكون ما خذت النصيحة...

وأول ما عرفتك گمت اكتب...

وكتبت هواي أشياء وصرحت...

عن كل اللي بگلبي بخجل وأدب...

ما قدرت هذا وبأول فرصة عفتني...

حسبالك أدور جاه وصيت بالعتب...

لا مو هيچ تنحسب يابن الناس...

لو اريدن چان لگيتهن بدرب الچذب...

بس طبعي ما اعرف أضم لبگلبي...

لذلك مصدعة من يومي وية كل محب...

وية هلي وناسي واللي احبهم...

وية القريبين الطعنوني ووية الغُرُب...

لذلك من زمان نسيت الهوى وناسه...

وعشت وحدي اشرد من طاري الحب...

وأول ما عرفتك گتلك راح تروح فد يوم...

گتلي أبد ما اعوفچ وحبچ وسط الگلب...

شنو الصار وتغيرت عليه اليوم...

ورجعتني من كاس الألم والمر اشرب...

بس ميخالف تعودت بهالدنيا عالمر...

وصار الألم صديقي وكاسه عذب...

...................................................هدير