كبرنا وراحت ذيچ الايام...
يا ريت بقينا ذولاك الصغار...
الراس شيب بس گلبنا طيب...
وما يفيد بينا ولا يغيرنا الغبار...
وجوهنا بيض باعمالنا ويه الناس...
نتمنى الخير الكل واحد بالدرب مار...
وشما يظنون خل يظنون ويبچونا...
ثاني يوم نرجع ولا يهمنا اشرار...
گلب صافي ينبع محنة وطيب...
وما نتغير ابد نعشگ صغار وكبار...
ولا نعرف الچذب ابد فد يوم...
ولا عدنا غش ولا عدنا اسرار...
واضحين ببياض الثلج وانصع...
واضحين ما ننضم وره جدار...
نمشي مرفوعين الراس دومنا...
بالگلوب عايشين مكاننا بكل دار...
لا نخاف ليل ولا صبح ولا نتخفى...
نمشي وسط الناس بوضح النهار...
وين ما نمشي نلگه الف محب...
ناسنا واهلنا بعيدين واللي بالجوار...
هذا كنزنا وضخرنا يوم الضيگ...
شحلات لمتنا بلا صديق سوء غدار...
.....................................................هدير
ليست هناك تعليقات:
إرسال تعليق