حاللو يا حاللو صامو وصلوا
واتمدت ع الارض وليمة
جمعت كل افراد العيلة
كل اصناف الاكل اتوجدت
علشان ترضى الكل كليلة
رب الاسرة قاعد وسطيهم
رمز الحب وهيبة وطيبة
والام برغم انها هلكت
بس الضحكة ماليا الوش
السفرة اتمدت واتفرشت
بعد صيام حرمان م الزاد
ومقاطعة لكل الشهوااات
حوالين السفرة بتتجمع
كل الاسرة ما حد اتمنع
والكل مشعلق ف عنيه
على شاشة التلفاز مستنى
المدفع يضرب بوم بوم
بعديها اذان شيخ المسجد
والكل يسمى وفرحاااان
كل ايادى الاسرة اتمدت
تفطر وف ذات نفس الوقت
مع احاديث حلوة ومثيرة
والضحكات م القلب بتطلع
لمة عيلة صحيح وحشانا
فى زمان بقت اللمة دى صعبه
مش موجودة غير فى الصورة
على تليفون افراد العيلة
والضحكة بقت مش مسموعة
لا مكتوبة ههههههههههههههه
يا خسارة الايام الحلوة
والاحاسيس الدافية ما بينا
اللى خلاص ما بقيت غير ذكرى
نتذكرها نقول ياسلاااااام
كانت والله احلااااا ايااااااام
نفسنا نرجع زى زماااااااان
نفسنا نرجع زى زماااااااان
ليست هناك تعليقات:
إرسال تعليق