سوگ الغدر...هدير الجواهري أم تقي

ما نتفارگ أبد كلمة گلناها فد يوم...

دار الوكت وتفارگنا بأول محطة...

ما ادري الغلط وين بيه لو بيك...

لو الحب بهذا الزمن هو الغلطة...

ماخذك مني الوكت ويتواكح وياي...

دومه هيچ وياي بسكوت وبسنطة...

أسألك شلونك حبيبي وگولي شبيك...

وانت ولا يمك غاط بالدنيا فرد غطة... 

وين العذر وشلون الگاه وشگول...

والدنيا مگابلتني والفرح مني تخمطه... 

أسأل يگولون بخير يحچي ويانا... 

بس وياي زعلان وهيچ أخبارك مقحطة... 

ما گلت شي بس گتلك طمني عليك...

كلمة وحدة تكفيني مو أكثر مشترطة...

وما اسكت عنك لو گايلي عالسبب... 

هيچ عفتك لأن جرح الكرامة ورطة... 

أنت گتلي آني ما عوفچ أبد وعفتني...

وين ذاك الحچي الأمور هواي مختلطة...

مدري بيمن أصدگ لو منو الچذاب... 

ازرع شعير بالگاع تطلعلي حنطة...

مدري شلون تصفه وياك يا وكت...

ولشوكت گالبها عليه ووياك مرتبطة... 

حتى اللي ظنيت كله طيب وحنان...

خلف ميعاده وعافني بحبه متورطة... 

لا أگدر أنسى ولا أتذكر وتحيرت بدنياي...

ما الها وفه وحيل نذله ما الها غبطة...

وية النذل والچذاب توگف دوم وياه...

فاتحة ايديها وفارطتها عليه فرد فرطة...

وين اقارش وياها آني ومنجلي مكسور...

لا عندي ولف يوگف بظهري ولا آني أُسطه...

چتفوني وما حچيت وسچاچين طعنوني... 

وواگفة أصد سچاچينهم وايديه مسبطة... 

ما غدرت ولا طبيت سوگ الغدر فد يوم...

بدروب الصدق تلگاني دوم گاعدة ومبسطة...

..........................................................هدير