فاكر إني هفضل أحبك ..؟؟؟
فاكر لما قبلتك صدفه
كان في أيدك صحبة ورد
ومنديل أبيض لون الفل
قلت خلاص الواد أستسلم
مادد أيده بكل .. الود
جابه الشوق علي وشه وهام
أصل الحب ده صعب بجد
أتاريك كنت بتخدع فيا
بتعشمني إنك في إيديه
علشان تكسب حبة وقت
قالوا عليا كتير مغروره
وأنت بتعشق دور الفت ...
شويه ..شويه تقرب ليا
مرة بكلمه مره بهمسه
مره ببصه جوي عينيه
وساعات لمسة شوق لأيديه
لحد ما فلبي حن و رق
خدت أوام الخطوه التانيه
يوم بتجيني وعشرين لأ ..
لما أعاتب تحلف كدب
بدري عليك اللعب يا شاطر
مش كل اللي يرقرق مايه
أنا للحب صحيح مشتاقه
بس كرامتي دي أغلي مافيا
رح تحفظها تصونها بقلبك
تفضل غاليه عليك وعليا
أشيلك جوي عيوني وقلبي
واتكحل
بهواك يا عينيه
بقلم
سميه القيصر
ليست هناك تعليقات:
إرسال تعليق